Молитва

Просим Вас, дорогие братия и сестры, присоединять эти молитвы к своему ежедневному утреннему и вечернему молитвенному правилу.

Молитва по соглашению об обновлении и благоукрашении храма во граде Гамбурге

Господи Боже наш, Иисусе Христе! Ты пречистыми усты Своими рекл еси: егда двое из вас на земле согласятся просить о всяком деле, будет им от Отца Моего Небесного, ибо где двое или трое собраны во имя Мое, там Я посреди них.

Непреложны Твои словеса, Господи, милосердие Твое бесприкладно, и человеколюбие Твое неизреченно. Сего ради припадаем Ти, Боже наш, рабы Твои – православные христиане града Гамбурга и окрестностей его, согласующиеся дерзновенно молить Тя. Не презри молитвы нашей. Помози нам обновить и благоукрасить дом Твой во граде сем, для прославления Твоего Пресвятого имени, для укрепления и спасения душ и телес наших.

Молитвами Пречистыя Твоея Матери, святого праведного Иоанна и всех святых Твоих расположи сердца власть имущих и жертвователей; укрепи нас, молящихся Тебе, в единомыслии, твердой вере и взаимной любви.
Но да будет, Господи, во всем святая воля Твоя. Аминь.

Молитва святому праведному Иоанну Кронштадтскому

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю!

Вознося славословие Триединому Богу, ты молитвенно взывал: Имя Тебе — Любовь: не отвергни меня, заблуждающагося. Имя Тебе — Сила: укрепи меня, изнемогающего и падающаго. Имя Тебе — Свет: просвяти душу мою, омраченную житейскими страстями. Имя Тебе — Мир: умири мятущуюся душу мою.

Ныне благодарная твоему предстательству всероссийская паства молится тебе: Христоименитый и праведный угодниче Божий!

Любовию твоею озари нас, грешных и немощных, сподоби нас принести достойные плоды покаяния и не осужденно причащатися Христовых Таин.

Силою твоею веру в нас укрепи, в молитве поддержи, недуги и болезни исцели, от напастей, врагов, видимых и невидимых, избави.

Светом лика твоего служителей и предстоятелей Алтаря Христова на святые подвиги пастырского делания подвигни, младенцем воспитание даруй, юное настави, старость поддержи, святыни храмов и святые обители озари!

Умири, чудотворче и провидче преизряднейший, народы страны нашея, благодатию и даром Святаго Духа избави от междуусобныя брани, расточенная собери, прельщенныя обрати и совокупи Святей Соборней и Апостольской Церкви.

Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и нас на путь спасения настави.

Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

Адрес

Holstenkamp 89,
22525 Hamburg